January 14–16, 2026 chhung khan KIIT University, Bhubaneswar-ah FIDE leh AICF tangkawp buatsaih "Global Conference on Chess in Society and Education" neih a ni a. He hunah hian khawvel huapa chess hmasawnna leh zirtirna (Education) atana hman dan tur sawiho a ni. He hunah hian Mizoram Chess Association aiawhin Er Lalchhuana, President leh Pu H. Lalthlamuana, General Secretary te an tel a ni.
He inkhawmpuiah hian thil pahnih ngaih pawimawh zual a awm a:
Chess in Education: Chess hi naupangte thluak tichangkangtu leh zirlai lama hmasawnna hmanrua (focus, discipline, decision-making) atana hman dan tur.
Social Impact: Chess hmanga vantlang nun siamthat dan—entirnan, tan in (prison), damlo enkawlna, leh rualbanlote tana chess hman dan.
Mizoram hian "Chess in Schools" project-ah hma kan lo lak ve tawh avangin, he conference-a an thil zir chhuahte hian Mizoram zirlai naupangte leh chess khel thiamte tan hmabak thui tak a hawng thei dawn a ni. Khawvel hruaitu thiam tak takte (i.e, Viswanathan Anand) thuchah ngaihthlak a ni.
Tags:
Conference