Aizawl, February 20, 2026: North East Chess Championship 2025, neih zawh taka Mizoram tana hlawhtlinna ropui tak, medal latu Mizo players-te chawimawina leh lawmna hun chu vawiin khan Ramhlun Indoor Stadium-ah ropui taka hman a ni. He hun hi Mizoram Chess Association (MCA) buatsaih niin, Mizoram chess hmasawnna tana ni chhinchiahtlak tak a tling.
Tournament Leh Chawimawina Hun
Chawhma lamah he ni pual hian 'One Day Open Chess Tournament' buatsaih a ni a, he hunah hian chess ngaina apiang tan tel theih niin, player thahnem tak an inel a ni. He tournament hi Free Entry a buatsaih a ni a, Medallist te chawimawina pual atana hman niin,Lalnunsanga, Leitan Ramthar chu pakhatna niin, John Zonunthara, Bawngkawn chu pahnihna a ni.
Result:
| 1 | 69 | Lalnunsanga, | IND | 0 | Leitan, Ramthar | 6,5 | 33,5 | 37,5 | 34,25 | |
| 2 | 41 | John, Zonunthara Sailo | IND | 0 | Bawngkawn | 6,5 | 28,5 | 31 | 27,75 | |
| 3 | 6 | Benjamin, Lalhmingliana | IND | 0 | Lunglei | 6 | 30,5 | 33,5 | 27 | |
| 4 | 42 | Johnson, Zoremthara | IND | 0 | Kulikawn | 6 | 27,5 | 29,5 | 24 | |
| 5 | 79 | Lalrochanpuia, | IND | 0 | Maubawk, Aizawl | 6 | 25 | 28 | 23 |
Chawhnu lamah Medallist-te chawimawina hun hi ropui taka hman a ni a, Mizoram aiawha NE Championship-a medal rawn latu hrang hrangte hnenah chawimawina leh lawmman hlan an ni. He hun tiropui zual tur hian Mizoram zaithiam lar Siampuii Ralte chuan zaiin mipuikalkhawmte min awi bawk a ni.
MCA Lawmna Ruai
Mizoram Chess Association (MCA) chuan medal lak lawmna hian vawk talhin ruai ropui tak an buatsaih a. MCA hruaitute chuan Mizoram players-te hlawhtinna chu an chhuang hle tih tarlangin, hemi ni hian chess khelh thiamna chauh ni lo, chess chhungkaw inpumkhatna leh hlimna hun hman a nih thu an sawi.
Mizoram Chess hian hma a sawn zel a, kumin NE Championship-a kan players-te chet thatna hian hmalam hun atan beiseina thar a siam a ni.