Mizoram chhunga Chess Team inelna lian ber, LBS Suzuki 5th Inter Branch YMA Chess Tournament ni 3 chhung awh chu R. Dengthuama Indoor Stadium-ah vawiin ni 29th August, 2024 khan zawhfel a ni ta.
He tournament-ah hian Mizoram chhung hmun hrang hrang atangin Branch 26 an tel a, players tel zawng zawng hi 150 vel an ni a, inkhelh hi a vaiin game 364 khelh a ni a, a var changtu 40.9% in hnehna a chanpui laiin, sa dum changtu 37.9% in hnehna an chanpui bakah inkhel 21.2% te an inhnehtawk bawk a ni.
A pumpuiah players tha rual awmna Bethlehem Vengthlang te Champion in, rawlthar thiam tak tak awmna Reiek Branch ten an dawt a, Top 10 chin result chu hetiang hi a ni.
1. Bethlehem Vengthlang
2. Reiek
3. Sihphir
4. Bazar Veng (Lunglei)
5. Laipuitlang
6. Dinthar
7. Bawngkawn
8. Leitan Ramthar
9. Zonuam
10. Kulikawn
Intihsiaknaah hian Board tina tit ha ber theuh te hnenah Board Champion lawmman siam a ni a, lawmman dawng tute chu heng mite hi an ni.
Board 1 Champion : Lalnunsanga, Leithan Ramthar Branch
Board 2 Champion : C. Chhawntluanga, Dinthar Branch
Board 3 Champion : Johnson Zoremthara, Kulikawn Branch
Board 4 Champion : Lalruatkima, Reiek Branch
Kharna inkhawmah hian MCA President Er Lalchhuana leh Central YMA Asst Secy Pu Fabian Lalfakawma ten fuihna thu tha tak tak an sawi a, lawmman semna neih zui nghal a ni.