Vawiin Ni 15th August, 2024 khan Mizoram Chess Association aiawh tura thlan chhuah players te chuan National Chess Championship 2024, Haryana a ni 17-27 chhunga neih tura tel turin Mizoram an chhuahsan.
National Chess Championship hi kumtin a neih thin niin, kumin hi tum 61 na tur a ni dawn a, RPS International School, Gurgaon ah neih a ni dawn a, he championship-ah hian AICF hnuaia affiliates association ten quota 4 theuh kan nei thei a, Mizoram aiawh tur hian MCA Ranking Top 3 atangin Lalbiakmawia a kal dawn a, midangte erawh chhungkaw thilah harsatna an neih avangin an thei ta lo a ni. Junior lam atangin Mizoram Inter School Chess Championship 2024 a Higher Section Champion Zothanhlira leh High School Section Champion Thomas Remsangzuala te an kal dawn bawk a ni.
Team Manager Pu Zosangluaia, Ramhlun Vengthar, MCA a kan Finance Secretary hovin players 3 te hian Mizoram ai an zuk awh dawn a, hmasawnna leh result tha tak rawn hawn turin duhsakna sang ber kan hlan e.
Tags:
Tournament