24th Mizoram Open Chess Championship chu September 17-19, 2024 chhung khan Ramhlun Indoor Stadium-ah tluang taka khelh zawh a ni. He championship ah hian Mizoram hmun hrang hrang atangin players 110 kan tel a, inelna hi round 9 khelh niin, Saingura Sailo, kolasib chu champion niin, Lalbiakmawia, Farkawn leh Lalawmpuia, Bethlehem Vengthlang ten pahnihna leh pathumna niin an dawt ve leh a ni.
He inelna a chhinchhiah tlak tak tak thleng point tlemte han tarlang ila:
● Upa Dr LN Tluanga 91yrs, Mission Veng chu he championship-ah hian rawn tel ve in, ngaihven a hlawh hle a, Sport Minister, GoM pawhin a Instagram Page-ah te a tarlang hial a ni.
● Mizoram in Senior National Arbiter kan neih atangin Pu Lalṭhazama (Zamtea) chuan FIDE Arbiter nitura Norms neih ngai a nei kim ta a, Seminar vawi khat paltlang chiah a hmabak ta a ni. A ni bakah hian Pu P Lalchuanpuia leh Pu Micky Lalmuanpuia Pautu ten an Norms hmasa ber an nei ve ta bawk a, Mizoram Chess Association in Arbitration lamah kan changtlun phah sawt dawn niin kan hria a, kan lawm hle a ni.
● Mizoram atang FIDE Rated Players engemawzat kan neih belh leh thei dawn niin a lang a, MCA hmasawnna mellung pawimawh tak a ni.
● Rajib Dhar, Event Chairman AICF in Closing Function min rawn uap kha chhinchhiah tlak a ni.