All India Chess Federation (AICF) President, Nitin Narang-a nupui neih lawmpui turin Mizoram Chess Association (MCA) hruaitu lian pahnih—President Er. Lalchhuana leh General Secretary Pu H. Lalthlamuana (Muantea) te chu an tel a. He hun hlimawm takah hian MCA hmingin lawmpuina thilpek (present) hlu tak, mizo Ipte chei leh painting (Mizoram tih lanna) an hlan bawk a ni.
Tun hnaiah MCA hruaitute hian hma an la nasa hle a, AICF hruaitute nen inpawhna tha tak neiin, FIDE Rating Tournament engemawzat an neih bakah BE Chess Championship hlawhtling takin an thleng bawk a, AICF President nupui neihnaa an tel lehna hian AICF hruaitute nena inpumkhatna kawngah Mizoram dinhmun a tichangtlung zual sauh a ni.
Mizoram Chess Association chuan kan hruaitute ṭanrualna zarah Mizoram chess-in hma a sawn zel hi a lawmawm an tih thu tarlangin, hmalam hunah pawh central nena thawkho zelin project thar tam tak an rawn chhawp chhuah zel an beisei thu an sawi.