Mizoram Chess Association in mizo naupangte tana chess zirna a buatsaih, MCA Chess Academy chu ni 9.12.2023 chawhnu dar 1 khan a hawnna inkhawm buatsaih a ni a. Mizoram State Sports Council Secretary, Pu John Tanpuia’n he hun hi min hmanpui a ni.
Chess Academy hawnna inkhawmah hian
MCA Assistant Secretary Pu T Zonunsanga'n hunserh hmangin, Er Lalchhuana, President, MCA in hawnna inkhawm hi a kaihruai a, Sport discipline hrang hrangten Academy mumal tak an nei hlawm tawh a, MCA pawhin bul kan tan chho ve tak tak dawn a, players tha tak tak chherchhuak tura trainer tha zawk chah luh tuma hmalak chhoh zel a nih tur thu a sawi.
MCA Asst. Secy Pu Masanga'n Academy chungchanga report pekna hun a hmang a. MCA hian Mizoram school hrang hrangah chess zirna ‘Chess in School’ a kalpui mek a, players tha lehzual chherchhuahna atan Chess Academy hi kalpui tum a ni a, naupang kum 18 hnuailam tan a ruahhman niin, seat 20 siam a bul tan phawt tum a ni a, inrinni apiangin class neih thin tur a ni dawn a ni.
Khuallian Pu John Tanpuia hian ‘Thil ropui tak intanna hi hote a ni a, tuna kan bul tanna hian nakinah par a la chhuak ang a, thil ropui tak a la thlen ngei a beisei thu a sawi a. Hruaitute pawhin kan tum tihhlawhtling tura theihtawp chhuah zui tur leh infiamna a hlawhtling tur chuan nu leh pa te support-na tello chuan hlawhtlina a harsat tawh thu te a sawi a, nu leh pa ten theihtawpa fate support turin a ngen nghal a , zirlai naupangte pawh tumruhna leh chhelna nei turin a fuih nghal a ni.’
A duh apiang tana thusawina hunah Pu K. Lalbuanga, President, Aizawl District Chess Association chuan Academy din tura ruahhmanna bul an lo tan dan leh thu tha tak tak a sawi a, Pu Laltlankima Jahau, Secretary, Khawzawl District Chess Association in MCA hun pawimawh tak hmang theia a awm avanga a lawmthu leh District hrang hrangah Academy em em nilo deuh pawhin Booth Camp tal neihsak ve a beisei thute a sawi a, Pu Zairemmawia F/o Dino Malsawmdawngzela pawhin MCA in an fate tana chess zirna a buatsaih avanga a lawmthu leh beiseina sang tak nen theihtawp an chhuah tur thu te a sawi a, Pu Zakima, MCA Executive Committee member leh President, Mizoram Carrom Association pawhin Chess zirna kan mamawh zia leh standard time hmang ngei tura zirtirna mumal tak pe turin a beisei thu leh thu tak tak tak a sawi a ni.
MCA Jt Secretary, Pu Micky Lalmuanpuia'n hun hlu tak senga rawn kal zawng zawngte chungah MCA aiawha lawmthu sawina leh mizo ten chess kan thiam danah zirna mumal neilo kan nih avanga tawp chin kab la neih thute, chumi sutkian nana Academy hian kawngro a sut a beisei thu te leh academy hlawhtlinna atan Nu leh Pa ten min tawiawm zel turin a sawm nghal a ni.