AIZAWL, 15 August 2026: Mizorama chess tournament hlun ber leh ngaihhlut hlawh ber pawl zinga mi, 46th Robula Trophy Open Chess Tournament (FIDE Rated Rapid) – 2026 chu vawiin khan Ramhlun Indoor Stadium, Aizawl-ah tluang taka zawh a ni a. Assam player Soram Rahul Singh chuan point 7.5 hmuin champion nihna a hauh a, lawmman ₹25,000 leh Trophy a dawng.
Champion Soram Rahul Singh hian final Round ah Saingura Sailo hnehin Champion title a hlawhchhuak a. Alom Mazumdar Iftikar leh Rajdeep Das, Assam-ten point 7.5 ve ve an hmu in; 2-na leh 3-na an hauh a. Heti hian tournament top-three chu Assam player-ten an luah vek a ni.
Mizoram player zingah MS Dawngliana chuan point 7 hmuin overall 4-na a hauh a, Mizoram player zingah a sang ber a ni. Nikum champion Johnson Zoremthara chuan a title hum zo lovin 9-na dinhmun a luah a ni.
Mizoram Chess Association (MCA) buatsaih he tournament hi August 13–15, 2026 chhung khan Ramhlun Indoor Stadium-ah neih a ni a, Er. Robula (L) te chhungkua ten an sponsor a ni.
Kumin tournament-ah hian Mizoram chhung mai bakah Assam leh Maharashtra atang te in player 98 an tel a. Open Category bakah Senior 60+, U-15, U-13, U-11 leh U-9 category te siam a ni bawk.
Thlalak en duh tan
OPEN CATEGORY TOP 10
1. Soram Rahul Singh (Assam) — 7.5 pts — ₹25,000 + Trophy
2. Alom Mazumdar Iftikar (Assam) — 7.5 pts — ₹15,000 + Trophy
3. Rajdeep Das (Assam) — 7.5 pts — ₹10,000 + Trophy
4. MS Dawngliana (Mizoram) — 7 pts — ₹7,000
5. Benjamin Lalhmingliana (Mizoram) — 7 pts — ₹5,000
6. Francis Lalhmunmawia (Mizoram) — 7 pts — ₹2,000
7. Saingura Sailo (Mizoram) — 6.5 pts — ₹2,000
8. John Zonunthara Sailo (Mizoram) — 6.5 pts — ₹2,000
9. Johnson Zoremthara Chhangte (Mizoram) — 6 pts — ₹2,000
10. C. Lalrinsanga (Mizoram) — 6 pts — ₹2,000
46th Robula Trophy rawn khel player zawng zawng te chungah Mizoram Chess Association chuan lawmthu a sawi a ni.