December 2, 2023 khan Mission Veng Chess Club buatsaihin, 4th Mission Veng Open Chess Tournament neih a ni a, he tournament hi MCA President hlui, Pu Vanhmingthanga (1941-2013) hriatrengna atana buatsaih a ni. He hunah hian MCA OB te sawm kan nih angin, MCA President Er Lalchhuana leh OB dang engemawzatin he hun hi kan hmanpui a ni.
He tournament hi Rapid tournament niin, ni khat chhunga khelh zawh nghal a ni a, players 145 lai telin, category hrang hrang tan pawh lawmman siam a ni a, Veteran category-ah Dr LN Tluanga (Kum 90) mi pawhin min telpui thei a, players ten kan ngaihhlu hle a ni.
Intihsiakna pumpuiah H. Rampanmawia (Tetea) Venglui chuan thiam ber lawmman dawngin, Rs 20000 leh Trophy mawi tak a dawng a, Bethlehem Vengthlang hranghlui Pu B.T Romawia chuan pahnihna lawmman Rs 10000 leh certificate a dawng bawk. Pathumna lawmman hi MCA Ranking No nilai mek Robert Runremmawia, Lunglei a ni a, Rs 7000 leh Certificate a hum haw ve bawk a ni.
Consolation hi Top 10 a lang chin te pek an ni a, chung mite chu:
- Lalremruata, Reiek
- Gabriel Lalnunsanga, Durtlang Leitan
- Visedelhou Terhuja, Lawngtlai,
- Stephen Malsawmtluanga, Tlangnuam United Chess Club
- MS Dawngliana, Mission Veng
- Lalbiakkunga, Dinthar
- Lalbiakmawia, Farkawn te an ni.
Open Intihsiakna bakah hian hetiang hian lawmman siam a ni bawk.
Veteran (above 50)
- Thangchemsanga, Bungkawn
- R. Vanlalhruaizela, Bawngkawn
- Zakima, Venghlui
Under 17 Category:
- Johnson Zoremthara, Tlangnuam
- Aldrin H. Lalmuanawma, Electric Veng
- Thomas Remsangzuala, Mission Veng
Under 11 Category:
- C. Lalmuanzuala, Chhinga Veng
- Paul Muansanga, Tlangnuam United Chess Club
- Dino Malsawmdawngzela. Mission Veng
Special Prizes
- Best Girl (Under-17) : Jacquelin Lalthlengliani, Venghlui
- Best Girl (Under-11) : F. Lalvenpuii, ZMS
- Senior most player : Upa Dr LN Tluanga (90 years)
- Youngest player : William Lalrinngheta, Tlangnuam United Chess Club
