Kum 2024 chhunga Mizoram Chess Champion zawnna chu ni 22 - 27 April chhung khan MCA Office, Chaltlang Lily Veng ah neih a ni.
Champion zawnna inkhel hi Round Robina khelh a ni a, standard time 90+90 with 30 sec increment from move 1 a khelh a ni a, he championship hi ni 22 zan atanga khelh tan niin, zan tin khelh chhoh a ni a, ni 27 (inrinni) khan chhun lamah khelh niin, round 2 khelh a ni thung.
Champion zawnna a khel tur hian kum 2023-2024 chhunga players che tha te thlan an ni a, anni bakah hian Junior players atangin mi 3 tel tir an ni bawk.
Inkhel hi Internet lamah pekchhuah a ni.
Championship khel tura thlante:
1. John Lalrinliana(23rd Mizoram Open Champion)
2. Saingura Sailo(41st PS Dahrawka Champion)
3. Lalbiakmawia(44th Robula Trophy pahnihna, pakhatna hi Bihar mi a ni)
4. Robert Runremmawia(MCA Ranking no.1)
5. Lalnunsanga(Mizoram Champion ngun ber leh MCA Rapid Tournament 2023 Champion)
Junior players aṭangin
1. Thomas Remsangzuala
2. Lalhumhima
3. Zothanhlira
He championship a pakhatna Robert Runremmawia chu Mizoram Champion 2024 title leh lawmman pawisa fai hlan a ni.
