July ni 9, 2023 khan AICF Annual General Body Meeting (AGM) chu Kanpur-ah neih a ni a, MCA aiawhin President Er Lalchhuana leh GS H. Lalthlamuana te bakah Pu Zosangluaia, Fin. Secretary te an zu tel ve a ni.
AICF hnuaia member unit 32 te he inhmuhkhawmnaah hian an kalkhawm a, AICF President Dr Sanjay Kapoor chuan Indian Chess Leaque nei tura hmalak chhoh mek a nih thu a sawi a, chess hmasawn zelna atan state tinte tan kum khatah Rs nuaih 7 (7 lakh) bakah chess set 200 theuh pek a nih tur thu a sawi bawk.
AICF hmasawn zelna atan mithiam ruai a, sponsorship tam zawk hmuh tum hmalak mek a nih mai bakah Asian Games neih tura India aiawh tur puanna neih a ni bawk.
Meeting-ah hian MCA President Er Lalchhuana chuan Mizorama chess hmasawnna atana hma kan lak dan hrang hrangte Powerpoint presentation nen a sawi a, kan hmalakna hrang hrangah AICF lama kan hotute pawh an lawm hle.